Al è cun grant plasê che o saludi i visitadôrs di chest sît, cun l’auguri che un dì a puedin deventâ – se za no lu àn fat – visitadôrs ancje dal nestri teritori. Piçûl ma ben grant di contignûts. Di fat, dongje a une realtât industriâl impuartante e di sigûr interès regjonâl, si cjate une ricjece di  patrimoni ambientâl , che al cjape dentri la aree SIC (Sît di Interès Comunitari), e chi o vûl visâus des risultivis di Bars che a son alc e ce; dal monument nazionâl dal cuel de fuartece (dute une schirie di infrastruturis militârs, che vie pai secui si son zontadis une parsore chê altre); dal parc dal Rivelin di grant interès storic (li che si cjatin struturis di ete napoleoniche).

Dentri intal vert dal parc dal Rivelin, che ogni dì al ricêf ducj chei che vuelin fâsi une biele cjaminade, si ten la manifestazions dai Biker Fest, cunvigne di motocicliscj.

Il paîs di Osôf, dal pont di viste storic, al mostre i segns di civiltâts antighis, fintremai pre-romanis e i tancj reperts cjatâts e podaran jessi metûts in mostre intal museu che o sin daûr a finî.

Ma soredut, la muse plui biele che chest paîs al vûl fâ viodi e je chê di une citadine di provincie cuiete che sa ufrî events, servizis, fiestis di paîs e internazionâls, fabrichis, tutele dal ambient par une buine - mi auguri la miôr pussibil – cualitât di vite dai residents. No par nuie la popolazion, di un pôcs di agns in ca, e cres in mût costant e chest al è il miôr segnâl de vitalitât dal nestri piçul ma ancje – o crôt – grant paîs.

Il Sindic
Av.Luigino Bottoni